HKDL 園内工程進度記錄 (2014年8月號)

本篇網誌將會同大家分享樂園喺2014年8月嘅工程進度。


1. 美國小鎮大街「粉飾」工程

位於「小鎮沖印店」（Town Square Photo）至「市集餅店」（Market House Bakery）之間嘅建築物外牆仍然進行緊「粉飾」工程。

位於「奇趣店」（The Curiosity Shop）至「大街糖果店」（Main Street Sweets）之間嘅建築物亦都繼續進行緊「粉飾」工程。

另外，園方喺今個月喺部分店舖門前擺放或張貼咗告示牌以通知賓客呢間店舖仍然照常營業。

而園方亦喺「市集餅店」（Market House Bakery）門前張貼咗餐牌以向賓客介紹餅店嘅精選甜品及飲料。

與此同時，園方喺八月尾仲喺「奇趣店」（The Curiosity Shop）至「大街糖果店」（Main Street Sweets）嘅「粉飾」工程布幕上面增添咗多個臨時嘅櫥窗以指示商品，此舉吸引咗唔少賓客停低拍照留念。

2. 「百貨店」（Emporium）櫥窗裝飾「粉飾」工作

希望唔好再爛過啦！

3. 美國小鎮大街草地工程

園方喺八月尾喺樂園資訊板後方嘅草地進行工程，唔知道有乜嘢用途嘅呢？

4. 「泰山樹屋」（Tarzan's Treehouse）「粉飾」工程

園方喺今個月繼續為「泰山樹屋」進行「粉飾」工程，而竹棚亦都繼續向樹屋頂部伸延。

而喺樹屋嘅另一邊（木筏碼頭附近）亦喺今個月開始搭建竹棚。

5. 「探險世界」吸煙區地點遷移

園方喺今個月將位於來往「探險世界」（Adventureland）以及「反斗奇兵大本營」（Toy Story Land）之間嘅通道上面嘅吸煙區遷移至打鼓區旁邊（「獵奇小食亭」對面）嘅位置。

而園方分別喺三個唔同嘅地點擺放咗告示牌以指示有需要嘅賓客前住吸煙區。

吸煙區位置：

6. 「探險世界」（Adventureland）路面「粉飾」工程

園方喺今個月喺來往「探險世界」（Adventureland）以及「反斗奇兵大本營」（Toy Story Land）之間嘅通道上面分別進行咗兩次路面「粉飾」工程。

7. 「仙女小亭園」 （Pixie Hollow）

「仙女小亭園」 已經返咗嚟喇！

原址與新址位置：

8. 「幻想世界」（Fantasyland）戶外小食亭遷移

因受到「幻想世界」嘅工程影響，戶外小食亭需要搬遷到去「小飛象旋轉世界」（Dumbo the Flying Elephant）排隊區旁邊嘅位置。

9. 「幻想世界」工程

奇妙快將呈現......

10. 「UFO 地帶」（UFO Zone）

為準備「迪士尼黑色世界 2014」（Disney's Haunted Halloween 2014）嘅「明日世界光影舞台」（Tomorrowland Party Zone），「UFO地帶」已經喺2014年8月24日暫時關閉。

11. 樂園「後台」工程

塔式起重機繼續喺工地入面運作。

12. 「鐵甲奇俠飛行之旅」（Iron Man Experience）

歡迎 按此 前往閱讀《HKDL 擴建直擊報導》 (2014年 8月號) 以了解詳情。

Hong Kong Disneyland Resort