華特‧迪士尼先生一直將不同嘅歡樂與故事帶俾所有人，當各位嘉賓開始進入活動會場嘅時候就已經見到華特‧迪士尼先生嘅其中一句名言。
而喺活動仲未開始之前，大家先欣賞其中一集嘅《米奇歡笑多》(Mickey Mouse) 卡通片。
今次活動嘅其中一個重點就係可以欣賞多件由「華特迪士尼檔案館」(The Walt Disney Archives) 遠道而來嘅收藏品，而喺開始分享當日嘅活動以及介紹相關嘅收藏品之前，本blog 先同大家簡介一下「華特迪士尼檔案館」。
「華特迪士尼檔案館」位於美國加洲嘅柏本克城市(Burbank, California)，檔案館設於「華特迪士尼製片廠」(Walt Disney Studios) 嘅Frank G. Wells Building 裡面。而檔案館嘅創辦人就係「迪士尼傳奇」(Disney Legends) 人物Dave Smith，佢曾經喺2010年帶同部分收藏品嚟到香港並與「粉絲」見面。
剛才提到，檔案館設於「華特迪士尼製片廠」裡面。咁檔案館收藏啲乜嘢架呢？
其實電影道具、樂園物品、今昔商品等等都會列入檔案館嘅收藏範圍入面。
而華特‧迪士尼先生嘅辦公室亦都設喺「華特迪士尼製片廠」裡面。時至今日，辦公室內嘅擺設同華特‧迪士尼先生在世前嘅擺設係一模一樣既！
喺活動當日，來自「華特迪士尼檔案館」嘅收藏專員Justin Arthur 就向在場嘅嘉賓介紹各個收藏品。
講起收藏品，唔知道各位讀者最想見到邊一類型嘅收藏品呢？
Justin 提到，位於檔案館中嘅相片館一共收藏咗超過六萬張珍貴嘅歷史照片。除咗照片之外，仲有樂園門票等等嘅收藏。
而喺今年位於美國境外首個D23 博覽會"D23 Expo, Japan" 中，檔案館亦都向當地嘅「粉絲」展示多件來自樂園以及電影嘅收藏品。
以下為電影《Alice in Wonderland》嘅角色造型道具。順帶一提，官方已公佈電影《Alice in Wonderland 2》將於2016年5月上映！
仲記唔記得果個龍頭喺邊度出現過呢？
海盜~
用於拍攝《加勒比海盜》電影系列嘅海盜船道具！
Part 1：過去、現在與未來
華特‧迪士尼先生出生喺位於芝加哥(Chicago) 嘅一間小屋裡面。Justin 提及，檔案館至今仍保存住華特‧迪士尼先生嘅出生證明文件。
其後，華特‧迪士尼先生就跟隨住家人搬去密蘇里州嘅馬誓琳(Marceline, Missouri) 居住，而佢嘅童年就係喺呢個地方成長。以下呢個小鎮係馬誓琳嘅其中一個地方，唔知道大要覺得呢個小鎮似唔似樂園中嘅「美國小鎮大街」(Main Street, USA) 呢？其實喺Main Street 上嘅建築物正正就係華特‧迪士尼先生參照返童年時嘅呢個小鎮而建成。
左：華特‧迪士尼先生嘅妹妹 (Ruth Flora Disney)
右：華特‧迪士尼先生 (Walter Elias Disney)
華特‧迪士尼先生童年時嘅物品：
華特‧迪士尼先生喺密蘇里州嘅堪薩斯城(Kansas City, Missouri) 成立咗自己嘅動畫事業，當時嘅製片廠名為"Laugh-O-Gram Studio"！
"Alice's Wonderland" 係華特‧迪士尼先生所創作嘅其中一套早期黑白卡通片，當年仲係未有聲音加插喺動畫入面添！而在場嘅嘉賓亦有機會睇到其中一部分嘅影片。
Oswald the Lucky Rabbit 係華特‧迪士尼先生創作嘅首位「迪士尼朋友」，但由於受到與發行人之間嘅版權問題所影響下，華特‧迪士尼先生最終失去咗Oswald。經歷個無數嘅風風雨雨後，呢隻兔仔最終喺2006年2月9日正式返到迪士尼嘅大家庭裡面。而大家亦可以發現到Oswald嘅造型其實同米奇老鼠(Mickey Mouse) 極為相似，原因係由於華特‧迪士尼先生於失去Oswald 後就喺一架火車上參照Oswald 嘅造型而創造咗Mickey！所以Mickey同Oswald其實好似兩兄弟
以下呢封信就係華特‧迪士尼先生寫俾Universal Pictures 創辨人Carl Laemmle 嘅一封信 (現收藏於檔案館中)：
1928年11月18日，Mickey 同Minnie 首次喺《威利汽船》(Steamboat Willie) 與大家見面。
《威利汽船》嘅劇本 (現收藏於檔案館中)：
適逢Mickey 同Minnie 喺1928年11月18日正式同大家見面，WDC 就定下果日為佢哋兩位嘅生日日期。
早期嘅Oswald 以及Mickey 商品 (現收藏於檔案館中)：
第一隻Mickey 手錶 (現收藏於檔案館中)：
以下呢個係早期於《雪姑七友》未上映之前刊登喺香港《南華早報》嘅廣告：
而華特‧迪士尼先生亦都喺早期創作咗多部經典嘅動畫如"The Skeleton Dance" 以及" Flowers and Trees" 等等。
《雪姑七友》中文版劇本 (現收藏於檔案館中)：
《雪姑七友》嘅宣傳刊物 (現收藏於檔案館中)：
一陣仲會有一見收藏品同大家分享！而Justin 亦喺當日播放咗一段喺《雪姑七友》中被刪減咗嘅片段俾在場嘉賓欣賞，但由於不能拍照及錄影嘅關係，所以本blog 就唔能夠喺度同大家分享，敬請見諒！
隨住事業上嘅成功，華特‧迪士尼先生於1939年將製片廠搬到美國加洲嘅柏本克城市(Burbank, California)，呢度亦即係現今「華特迪士尼製片廠」嘅所在地。
更多經典嘅卡通片陸續面世：
仲有真人電影：
而華特‧迪士尼先生喺事業上嘅成功亦都受到業界嘅肯定。時至今日，華特‧迪士尼先生仍然都係贏得最多個人奥斯卡金像獎嘅得獎者 (一共獲得32個獎座)！
而華特‧迪士尼先生更發展出多個「講故事」嘅方向。
受到一次帶兩個女兒們去公園遊玩嘅經歷所影響，因而令到華特‧迪士尼先生產生出建設一個主題樂園嘅意念。但由於當時嘅人對「主題樂園」呢個概念唔太認識。因此，佢就製作咗一個名為"The Disneyland Story" 嘅節目去介紹大家會喺樂園入面見到啲乜。
1955年7月17日，一個Magic Kingdom 正式同大家見面！
今次呢個活動其實係同Mary Poppins 有莫大嘅關係既！1964年8月27日，《歡樂滿人間》(Mary Poppins) 正式面世！
而華特‧迪士尼先生亦都兌現咗對兩位女兒們 20年來嘅承諾，將《歡樂滿人間》嘅故事搬到上大銀幕上。
位於下圖中間果位就係卓華斯女士(P.L.Travers)：
其它珍貴嘅照片：
見唔見到年輕時嘅Richard Sherman 呢？
Concept Arts：
當年嘅電影花絮：
《歡樂滿人間》首映禮嘅請柬以及彩帶：
《歡樂滿人間》首映禮嘅舉行地點Grauman's Chinese Theater：
左：飾演Bert 嘅迪雲戴奇先生 (Dick Van Dyke)
中：華特‧迪士尼先生 (Walter Elias Disney)
右：飾演Mary Poppins 嘅茱莉安德絲女士 (Julie Andrews)
左：飾演Mary Poppins 嘅茱莉安德絲女士 (Julie Andrews)
中：華特‧迪士尼先生 (Walter Elias Disney)
右：卓華斯女士 (P.L.Travers)
左：卓華斯女士 (P.L.Travers)
右：華特‧迪士尼先生 (Walter Elias Disney)
當年嘅宣傳刊物：
值得一提，Julie Andrews 以及Dick Van Dyke 亦都有出席近日喺Walt Disney Studios 所舉行嘅《大夢想家》(Saving Mr. Banks) 電影首映禮！
而《大夢想家》(Saving Mr. Banks) 呢套電影其實就係講述華特‧迪士尼先生如何去說服《歡樂滿人間》嘅女作家卓華斯女士嚟將佢嘅著作拍成電影。
雖然華特‧迪士尼先生於1966年與世長辭，但佢嘅兄長Roy Oliver Disney 就將佢夢想延續下去！
1971年10月1日，Walt Disney World 正式開幕。
其後發展：
提提大家！各位可以喺今明兩日(2013年12月14日及15日) 到部分戲院去睇《魔雪奇緣》(FROZEN) 嘅優先場！
正如華特‧迪士尼先生曾經講過"Disneyland will never be completed. It will continue to grow as long as there is imagination left in the world." 因此，更多嘅故事將會延續下去！
未來嘅電影 (歡迎 按此 前往瀏覽相關嘅網誌)：
SHDR 方面，官方於近日發佈咗新一批嘅Concept arts，歡迎 按此 前往瀏覽相關嘅網誌。
Part 2：親眼欣賞收藏品
終於講到當日由美國遠道而來嘅收藏品喇！而當中有大部分收藏品更加係首次來港添！
1. 1934年由英格索爾公司(Ingersoll) 所製作嘅米奇老鼠鬧鐘：
2. 1938年《雪姑七友》(Snow White and the Seven Dwarfs) 場刊 (上海出版)：
3. 1938年《雪姑七友》(Snow White and the Seven Dwarfs) 電影相關商品 – 布偶娃娃模板 (在中國製造及銷售)：
4. 1955年華特‧迪士尼先生親筆簽名《小姐與流氓》故事書：
珍貴照片：
5. 1955年美國加洲迪士尼樂園第一張門票 (複製本)：
6. 1993年《怪誕城之夜》(The Nightmare Before Christmas) 南瓜道具：
相信大家都會記得呢個南瓜喺邊一幕出現過！
7. 2010年電影《愛麗斯夢遊仙境》(Alice in Wonderland) 帽子道具：
8. 2010年《創：戰記》(Tron: Legacy) 武器道具：
9. 2013年《魔境仙踪》(Oz: The Great and Powerful) 翡翠城金幣道具：
閃令令！唔知道熊寶寶會唔會想放幾塊喺佢棵聖誕樹上面呢？
10. 1963年在香港出版的第一本迪士尼漫畫 --- 《寶貝歷險記》(101 Dalmatians)：
之前提到檔案館嘅創辦人Dave Smith 曾經喺2010年帶同部分收藏品嚟到香港，而呢本漫畫正正就係當年佢帶過嚟嘅其中一件收藏品，歡迎 按此 重温返當年嘅報導。
Part 3：率先欣賞電影《大夢想家》(Saving Mr. Banks)
呢套電影有華特‧迪士尼先生做其中一位主角，作為迪士尼嘅「粉絲」當然會十分高興，但特別之處就係當中嘅焦點反而放咗喺卓華斯女士果度。由佢嘅內心掙托到佢對父親嘅關心，當中令到本blog 嘅編輯看到《歡樂滿人間》嘅背後故事。
如果只能用一個字詞嚟形容《大夢想家》(Saving Mr. Banks) 呢套電影的話，本blog 嘅編輯會選用"touching" 一詞。
官方簡介：
華特迪士尼先生 Mr. Walt Disney，一個無人不識的名字，他的米奇老鼠紅遍全球，他一手打造的奇妙世界、夢想王國為無數人帶來歡樂，他絕對是娛樂業界最成功和最有影響力的一代巨人。迪士尼公司於1964年出品旗下第一部長篇真人電影《歡樂滿人間》(Mary Poppins) ，及後這部電影更成為迪士尼有史以來榮獲奧斯卡最多獎項和提名的傑作，包括5項大獎和13項提名。風光背後，卻有一段鮮為人知的感人故事，當中包含了一個父親對女兒的20年承諾，以及一個大夢想家如何在實現自己夢想的同時也為他人圓夢。
迪士尼 2014年新年鉅獻《大夢想家》，請來兩屆金像影帝湯漢斯 (Tom Hanks) 扮演華特迪士尼先生，這是史上首部描述華特迪士尼先生的電影，湯漢斯由造型、語氣，以至神情動作，均演得唯肖唯妙，在預告片短短幾分鐘初亮相已引起無數驚嘆和期待。與湯漢斯旗鼓相當大鬥演技的是兩屆金像影后愛瑪湯遜 (Emma Thompson)，扮演奄尖腥悶脾氣古怪的英國名作家，絕對開正影后戲路。同場演出的還有金球獎影帝哥連費路 (Colin Farrell)、金像提名男星保羅基安馬提 (Paul Giamatti) 等演技派紅星。一台好戲，加上感人故事及動人音樂，被視為來年問鼎奧斯卡的大熱之作！
真人真事改編。華特迪士尼先生因為兩個女兒十分喜愛童書《Mary Poppins》，承諾改編成電影搬上銀幕。但原著作者P.L. 卓華斯女士心高氣傲，對迪士尼的動畫和載歌載舞的電影風格更是嗤之以鼻，遲遲不肯答允授權。華特迪士尼遊說了20年，終於邀得卓華斯女士前來洛杉磯片廠商談電影製作細節。他花盡心思，處處退讓，卓華斯女士卻不斷挑剔為難，更因意見不合一怒而去。這時，華特迪士尼才發現卓華斯女士如此執著的真正因由，決定追往英國進行最後一次遊說，為的是身為父親一定要兌現對女兒20年來的承諾。
Two-time Academy Award® – winner Emma Thompson and fellow double Oscar® - winner Tom Hanks topline Disney’s “Saving Mr. Banks,” inspired by the extraordinary, untold backstory of how Disney’s classic “Mary Poppins” made it to the screen.
When Walt Disney’s daughters begged him to make a movie of their favorite book, P.L. Travers’ “Mary Poppins,” he made them a promise—one that he didn’t realize would take 20 years to keep. In his quest to obtain the rights, Walt comes up against a curmudgeonly, uncompromising writer who has absolutely no intention of letting her beloved magical nanny get mauled by the Hollywood machine. But, as the books stop selling and money grows short, Travers reluctantly agrees to go to Los Angeles to hear Disney’s plans for the adaptation.
For those two short weeks in 1961, Walt Disney pulls out all the stops. Armed with imaginative storyboards and chirpy songs from the talented Sherman brothers, Walt launches an all-out onslaught on P.L. Travers, but the prickly author doesn’t budge. He soon begins to watch helplessly as Travers becomes increasingly immovable and the rights begin to move further away from his grasp.
It is only when he reaches into his own childhood that Walt discovers the truth about the ghosts that haunt her, and together they set Mary Poppins free to ultimately make one of the most endearing films in cinematic history.
Inspired by true events, “Saving Mr. Banks” is the extraordinary, untold story of how Disney’s classic “Mary Poppins” made it to the screen—and the testy relationship that the legendary Walt Disney had with author P.L. Travers that almost derailed it.
2014年1月30日 夢想滿人間
本blog 在此衷心感謝華特迪士尼公司(亞太區) 嘅邀請！
"We have a lot of story yet to tell." ------ Walt Disney
Disney. All Rights Reserved.
COMMENTS