「迪士尼雪亮聖誕 2013」 之「亨利爵士皮影劇場」！

今次會同大家分享位於「迷離莊園」(Mystic Point) 中嘅「亨利爵士皮影劇場」(“Adventures with Lord Henry” shadow puppet show)！呢個表演除咗喺重演亨利爵士與助手「阿拔」周遊列國時遇上嘅奇人異事外，當中更延續了整個莊園嘅背景故事，呢點真係要值得讚一讚！


皮影劇場設於「迷離莊園車站」(Mystic Point Freight Depot) 裡面，而亨利爵士亦都叫管家擺放咗四排長椅俾各位冒險家同探險家可以坐下欣賞表演。

值得一提，喺四排長椅亦刻上了莊園和大宅專用嘅「M」字！

另外，皮影劇場嘅舞台亦具有濃厚嘅中國特色，當中印有如鯉魚等嘅圖案。其實喺新年果時拎返出嚟都唔錯喎！

記住留意每日嘅演出時間呀！

表演司儀方面，當然就係由亨利爵士嘅侄孫嚟擔任喇！而佢哋仲講到亨利爵士喺一次去中國探險嘅時侯遇上咗一班皮影劇團，當爵士向劇團成員講述佢與「阿拔」周遊列國嘅經歷，皮影劇團嘅團長就有意將爵士嘅經歷做成皮影戲。故此，亨利爵士就喺今個聖誕邀請佢哋嚟到莊園演出！

表演嘅第一幕係講述亨利爵士與助手「阿拔」喺到訪意大利嘅時候所遇到嘅經歷，而「阿拔」亦都喺過程中救咗一隻仙鶴一命，佢哋從此就成為咗好朋友！

表演嘅第二幕係講述亨利爵士與助手「阿拔」喺到訪埃及嘅時候所遇到嘅經歷，當中亦都講到頑皮嘅「阿拔」點樣引誘隻狐狸跳入石棺裡面。

而果個石棺就放咗喺「大冒險家餐廳」(Explorer's Club Restaurant) 入面。另外，
亨利爵士嘅侄孫仲提及大家可能會有機會喺「奇幻庭園」(Garden of Wonders) 裡面遇見呢隻
最終與「阿拔」成為咗朋友嘅狐狸添！

表演嘅最後一幕係講述亨利爵士與助手「阿拔」喺到訪中國嘅時候所遇到嘅經歷，而「阿拔」亦都同一隻熊貓成為咗朋友！

唔知道大家見唔見到車上面果和「齊天大聖」孫悟空嘅銅像呢？

其實呢個銅像正正放咗大宅嘅「中國沙龍室」裡面！

最後，一眾皮影出嚟謝幕！

歡迎各位讀者 按此 前往瀏覽《魔法‧音樂‧奇幻》文章，與本blog 一起參觀亨利爵士的莊園！


下一次將會向大家介紹「灰熊手偶劇場」，敬請期待！  


Hong Kong Disneyland Resort