「迪士尼雪亮聖誕 2013」 之「反斗玩偶劇場」！

由於今年嘅「迪士尼雪亮聖誕 」都將個焦點放曬喺三個新園區嘅關係，所以連「米奇玩具舞曲」都要讓一讓步同大家講聲再見。今年共設有三個喺聖誕期間限定嘅「戲偶劇場」，而本篇網誌會先同大家分享位於「反斗奇兵大本營」(Toy Story Land) 中嘅「反斗玩偶劇場」(“Let’s Tell A Toy Story” adventures)！

當「大頭寶寶」走咗之後，安仔就喺呢條通道上放置咗另一個玩具紙皮箱，而一班「新玩具」會喺呢個「玩偶劇場」入面演譯多個故事中嘅玩具朋友以及與各位賓客一同分享鮮為人知嘅玩具威水史！

「反斗玩偶劇場」嘅外觀為一個紙皮箱，而「迪士尼幻想工程師」亦喺當中整咗唔少detail 位。

記得留意每日嘅演出時間呀！

喺表演開始之前，一眾「演藝人員」會擺放幾個以箭把為設計嘅坐墊俾部分賓客可以坐底欣賞表演！

一班「新玩具」嚟到喇！

呢個表演會由三個故事，當中包括由胡迪主演嘅《悍匪逃獄》、由巴斯光年主演嘅《太空戰士大件事》以及由翠絲主演嘅《小兔大麻煩》，而主持會邀請大家選擇其中一個故事。

雖然呢個表演比較偏向以小朋友為主多啲，但當中都會見到園方擺咗好多心機喺裡面。三個故事都會利用一啲玩具去講故事，其靈感當然係來自安仔喺三套《反斗奇兵》嘅電影入面同玩具一齊玩嘅歡樂時刻。

而「演藝人員」會挑選幾位賓客上台一齊去講故事！

有冇邊位英雄可以去拯救翠絲呀？

如有興趣的話，希望大家都可以去欣賞一下呢個表演。

下一次將會向大家介紹「亨利爵士皮影劇場」，敬請期待！



Hong Kong Disneyland Resort