經濟發展事務委員會會議(2013年10月28日)：討論香港迪士尼樂園發展報告

經濟發展事務委員會於今日喺立法會內討論香港迪士尼樂園發展報告，而從今日嘅討論內容中可得知以下幾點：

首先，在營運表現方面，香港迪士尼樂園行政總裁金民豪先生估計本年度嘅營運表現會有理想嘅成績， 而旅遊事務專員容偉雄先生更指出樂園開幕至今已接待約4,300萬名旅客。順帶一提，樂園會於明年初會向事務委員會匯報2012至2013年度嘅營運狀況。

其次，在遊樂設施方面，會議上除咗講返於較早前所公布嘅「鐵甲奇俠」擴建項目外(歡迎 按此 重温相關網誌)，金民豪先生亦喺當中提及樂園正考慮於明年增設夜間巡遊。而有議員更喺會議中詢問發展第二期土地嘅可能性。

再者，在酒店方面，金民豪先生透露會與政府商討研究興建新酒店。

此外，在門票加價方面，金民豪先生只稱需視乎市場嘅情況以及考慮賓客們嘅需求。

最後， 在員工薪酬及福利待遇方面，金民豪先生表示樂園重視員工福利，並會於每年考慮調整工資，而若政府就「飯鐘錢」立例的話，樂園就會實行相關嘅政策。



參考網站 (References)：

1. "經濟發展事務委員會 (會議議程) 2013年10月28日"  (來自 From：立法會官網)

2. "經濟發展事務委員會 待議事項一覽表" (來自 From：立法會官網)

3. "迪士尼估計今年營運理想" (來自 From：《星島日報》)

4. "迪士尼指加價考慮視乎市場情況"  (來自 From：on.cc 東方互動)

5. "金民豪：迪士尼營運表現理想研建新酒店"  (來自 From：香港電台 RTHK)

6. "迪士尼研建新酒店 員工未有飯鐘錢" (來自 From：《蘋果日報》)


圖片 (Photo)：nowTV



Hong Kong Disneyland Resort