「華特餐廳 --- 奇妙導『嚐』」（"Tasty Guide to Walt's Cafe"）------ 品嚐樂園特色美食！

大家除咗可以喺假日遊覽樂園外，不妨可以前往渡假區內嘅兩間酒店享受你嘅假期。而今日，本blog 就為各位讀者分享其中一個位於「香港迪士尼樂園酒店」嘅設施 ------ 「華特餐廳」（Walt's Cafe）！

華特迪士尼先生為世界帶嚟歡樂以及夢想，而呢間餐廳嘅名字正正就係用咗佢嘅名字嚟命名以向華特迪士尼先生致敬！好高興園方喺八月尾舉辦咗一個名為「華特餐廳 --- 奇妙導『嚐』」嘅活動，從而可以俾大家更加了解呢間餐廳以及欣賞大廚們嘅心血。

「華特餐廳」內放置咗一尊名為"Partners" 嘅銅像，相信曾經到訪其它Disney Parks 嘅讀者都會喺樂園內見過呢尊銅像(當然會比下圖更大)。可惜嘅係HKDL 呢邊都仲未見到呢尊銅像屹立喺樂園內，本blog 希望園方會喺不久嘅將來可以安排將呢個銅像擺放入樂園內。

餐廳嘅牆上佈置哇超過五十幅壁畫，當中嘅珍貴照片正正係印証住華特迪士尼先生嘅傳奇一生。

而本blog 編輯就最鍾意以下呢幾幅壁畫：

值得一提，呢張相上嘅文件正正印住"WED Enterprises, inc." 嘅字詞。"WED" 係'Walt Disney Imagineering" (華特迪士尼幻想工程) 嘅前名，而當時要改名嘅其中一個原因就係由於當時嘅guests 經常誤以為呢個係婚禮查詢而不時錯誤地致電去該部門。當大家再睇細緻啲嘅時侯會發現呢個文件嘅内容正正係同EPCOT 有關。

「華特餐廳」嘅佈置以維多利亞式為主，配合埋用油木做嘅牆燈以及枱櫈別具古典優雅嘅氣氛。

餐廳入面仲可以揾到Hidden Mickey 添！

講咗咁耐，喺時候要介紹餐廳嘅特色美食啦！

頭盤：「華特精選前菜」(Walt's Appetizer Combo)

「華特精選前菜」由吞拿魚、青瓜、哈密瓜以及帶子等食材所組成，食材方面的確令人更易開胃。

而當日嘅參加者更可到"Walt's Table" 前選擇更多不同嘅頭盤！

主菜：「煎日式鱈魚配檸檬香草汁」(Pan-Fried Miso of Cod Fish)

甘甜嘅日式鱈魚再加上少少酸嘅檸檬香草汁效果唔錯，值得介紹俾大家去試一試！好醒胃！

主菜：「龍蝦賓利迪焗蛋」(Lobster Benedict)

呢道菜式其實係只限逢周日12:00至15:30期間喺特選早午餐嘅「華特餐桌」上所供應，但獲邀出席是次活動嘅參加者就可以喺平日品嚐到呢道菜式！「龍蝦賓利迪焗蛋」係美式嘅傳統菜式。當麵包上面加上以波士頓龍蝦配上鮮甜嘅三文魚而且再加上温泉蛋嘅時候，認真嚟講真係好好食！值得一試！

甜品：「心太軟三重奏」(Molten Chocolate Cake Trio)

呢個「心太軟」有兩個特點，第一點係可以凍啲食都得。而第二點就係由三種口味所組成，當中包括牛奶朱古力、檸檬白朱古力以及黑朱古力。另外，雪糕上面嘅米奇焦糖又唔係太過甜，適合一家大細去食！呢個甜品會喺每日嘅11:00 至 22:30 期間供應。